وبسرح من تاني أنا وفنجان قهوتي قدام الماية
ماهو من بعدهم بقيت وحيدة في دنيتي
وبقى البحر هو رفيقي وأحلى صحبتي
بشكيله همي ويشاركني ألمي وفرحتي
ساعات بيثور وبيضايقني بالغموض
لكنه فاهمني وحاسسني ومعايا طول اليوم
وبرجع من تاني أسرح وأعيد الذكريات
ماهو أنا بعشق البحر وبيني وبينه قصص وحكايات
ضي القمر بليل بيديني الأمل
ونور البواخر من بعيد بيقولي كل بعيد هيقرب في يوم
وكل ضلمة من بعدها بيجي الشروق
----------------------------------
نهى جمال سليمان
ليست هناك تعليقات:
إرسال تعليق